"

早前我哋同黎诺懿倾计嘅时候

佢就有提及

电视剧完结之后

会有配套嘅综艺节目上线

"

《婚后事》收官一个月之际

《香港婚后事》今晚开波啦

剧中主创陈自瑶、黎诺懿、

赖慰玲、罗天宇就化身“引导师”

放低自己另一半

同一班大家好熟悉嘅艺人朋友

探讨关于爱情、婚姻的问题

"

节目嘉宾就有

同老公好恩爱嘅吴若希

啱啱做咗准妈咪的连诗雅

开口埋口都喺杨茜尧的罗子溢

同经常互相“嫌弃”对方嘅

豹哥、豹嫂等等

"

佢哋除咗会分享自己嘅爱情观

仲会深入讨论

不忠、出轨、离婚、冷战之类

令人“怕怕丑”“唔想倾”嘅话题

"

因为节目录制嘅设定

係camping嘅户外环境

令气氛特别轻松自在

嘉宾、主持似乎特别放开心扉

展现自己的真性情

"

节目虽然未正式出街

但从预告片就可以睇到

四位常驻主持一到拍摄地

就开心到痹

挞着咗个嗨玩掣

"

yoyo一见到大床

就忍唔住大滚床单

成个大唔透嘅细路咁

"

赖慰玲同黎诺懿

可能有咗浴缸ptsd

眼前出现透明玻璃房

里面有个大浴缸

就即刻爆笑停唔到

"

最惨嘅可能係罗天宇

喺剧中佢处处留情

到后期先叠埋心水

同“家嫂”拉埋天窗

"

现实中佢都曾经绯闻无数

暗挞、明挞女神级美人儿

素有“靓女收割机”美誉

"

嚟到《香港爱情故事》

罗天宇即刻变成“众矢之的”

被“严刑逼供”

过往“那些我爱过的人”

"

佢沦为“众人玩物”之际

更口窒窒被逼成天然呆

成为呢档节目嘅搞笑担当

"

睇《婚后事》嘅时候

大家就觉得呢部剧

好贴地咁讲述

婚姻世界里面嘅现实问题

"

有人觉得陈自瑶

喺里面係真情流露

有人又话罗子溢

喺剧中代入感好强

"

连素有“好好先生”形象嘅

黎诺懿

有段时间都被大家称呼为

“渣男”

"

睇剧都已经咁上头嘅观众

应该会更期待今次

以真人秀形式演绎嘅综艺

"

各位《婚后事》角色

嚟到现实中

究竟会点睇自己“婚后”嘅

一些事一些情咧

"

不如就等我哋

一起进入佢哋

真实嘅情感生活

一探究竟